Tani edhe Erik ten Hag ka ndryshuar mendje. Sipas “The Times”, pas fillimit katastrofik të sezonit nga Manchester United, pozicioni i menaxherit në lidhje me kërkesën e Cristiano Ronaldos për t'u larguar në këtë merkaton, ka ndryshuar.
Trajneri holandez është i hapur ta lërë të shkojë menjëherë portugezin, për sa kohë që “Djajtë e Kuq” do ta zëvendësojnë me një sulmues tjetër.
Sipas asaj që raporton “Talk Sport”, edhe klubi është i gatshëm për negociata me këdo që kërkon ta blejë.
“Djajtë e Kuq” janë gati që të presin çdo ofertë për të dhe të bisedojnë me klubet që janë të interesuara.
Kjo gjë duket se ka ardhur nga sjellja e portugezit, i cili ka kërkuar me ngulm që të largohet nga Mançester Junajtid, pasi kërkon që të luajë në Ligën e Kampionëve sezonin e ardhshëm.
© SYRI.net
Bëje LIKE dhe merr lajmin e fundit nga Sporti: