Liverpool dhe Crystal Palace ndanë nga një pikë në Anfield në javën e dytë të Premier League (1-1), teksa ndeshja u shënua nga një karton i kuq  i blerjes më të shtrenjtë të “të kuqve”, Darwin Nunez.

Problemi i madh për Liverpool-in lindi në minutën e 57-të kur Nunez i provokuar goditi me kokë kundërshtarin Joachim Andersen i cili e shtyu nga pas dhe për pasojë mori karton të kuq direkt dhe la në “baltë” ekipin e tij.

Ndonëse Liverpool po humbiste në atë moment, arritën të barazojnë, me një lojtar më pak,  por nuk arritën të fitojnë dhe pas dy raundeve janë katër pikë prapa Manchester Cityt.

DARWIN NUNEZ QUI PETE LES PLOMBS ET MET UN COUP DE TÊTE A ANDERSEN. ROUGE POUR LE JEUNE URUGUYEN! 🟥 #LIVCRY pic.twitter.com/C9bmfUNi8H

— La VAR du foot 📺 (@LaVARDuFoot) August 15, 2022

Pas ndeshjes, trajneri i Liverpoolit kritikoi lojtarin më të shtrenjtë të Liverpool në histori, duke theksuar se ai nuk duhet të sillet kështu.

Kujtojmë se Nunez u transferua nga Benfica për shumën e 75 milionë eurove plus 25 milionë bonuse.

Në ndeshjen e radhës, Liverpool do të luaj në transfertë ndaj  Manchester Unitedin dhe Nunez do të jetë një mungesë e rëndësishme për Klopp në këtë ndeshje.