Kristjan Asllani me punë po tregon dita ditës se e ka merituar plotësisht transferimin tek gjigantët e Interit në Serie-A.

Mesfushori kuqezi shkëlqeu mbrëmjen e djeshme, teksa realizoi golin e dytë me fanellën zikaltër. Fantazisti 20 vjeçar i dha barazimin 2-2 zikaltërve në miqësoren kundër Monakos. Pas përfundimit të ndeshjes, Asllani ka folur për mikrofonin e “SportItalia“-s. Asllani ndihet i lumtur me arritjet e tij, teksa para një viti nuk luante as në Primavera, ndërsa tashmë po luan përkrahë lojtarëve që u shpallën nënkampion të Serisë A. Ish-lojtari i Empolit tregon se objektivi i këtij sezoni është titulli kampion.

“Në dymbëdhjetë muaj, praktikisht një vit e gjysmë, nga mos luajtja në Primavera, arrita këtu. Unë punoj për të dhënë gjithmonë më të mirën time. Jam shumë i lumtur që stërvitem me ta çdo ditë, vetëm mund të mësoj nga njerëz të tillë dhe të përpiqem të bëj sa më shumë që të jetë e mundur. Dua të mësoj sa më shumë nga bashkëlojtarët e mi, do të përpiqem ta bëj sa më shpejt. Qëllimet personale? Unë shikoj nga ndeshja në ndeshje, por ne kemi një objektiv ekipi që është të fitojmë Scudetton. Këtë synojmë dhe do të përpiqemi ta arrijmë. Lukaku? Ai të jep menjëherë përshtypjen se është një baba. Një i tillë ju ndihmon shumë në lojë“, ka deklaruar Kristjan Asllani.

🎙️ASLLANI: “QUEST’ANNO VOGLIAMO RIPRENDERCI LO SCUDETTO”

Il centrocampista dell’Inter Kristjan Asllani ha parlato in esclusiva ai nostri microfoni dopo il pareggio contro il Monaco#asllani #sportitalia pic.twitter.com/2TIX6UPkqf

— Sportitalia (@tvdellosport) July 17, 2022