Tensione mes Igli Tares dhe presidentit të Lazios, Claudio Lotito. Shqiptari është fotografuar dje në nerva e sipër me presidentin te Lazio, teksa gjithçka ka të bëjë me afrimin e ish-drejtorit sportiv të Salernitana (Angelo Fabiani) te të rinjtë dhe ekipi i femrave të Lazios.

Në prezantimin e fanellave të reja të skuadrës për sezonin e ri, drejtori sportiv Tare ka debatuar ashpër me Lotiton, me SportMediaset që bën me dije se shqiptari po mendon të japë dorëheqjen nga Lazio pas 17 vites (3 si lojtar dhe 14 si drejtues).

Me Sarrin që ka marrë “frerët” e merkatos dhe Taren që duhet të pyesë trajnerin për çdo gjë, duket se heqja e “gradave” ka bërë që Tare të mendojë largimin qysh këtë verë.