Menaxherja e futbollit e Republikës së Irlandës, Vera Pauw ttregoi se ajo u përdhunua dhe u sulmua seksualisht nga tre burra të ndryshëm të përfshirë në futbollin holandez.

59-vjeçarja, e cila luajti për Holandën dhe e drejtoi atë për gjashtë vjet, është trajnere e Irlandës që nga viti 2019.

Në një deklaratë të publikuar në Twitter, ajo tha: "Për 35 vjet kam mbajtur një sekret nga bota, nga familja ime, nga shokët e skuadrës, lojtarët e mi, kolegët e mi dhe, tani mund ta pranoj, nga vetja".

Ajo thotë se u përdhunua nga një "zyrtar i njohur futbolli" kur ishte lojtare e re - dhe më vonë u sulmua seksualisht nga dy burra të tjerë.

Të tre ishin të punësuar në futbollin holandez në kohën e incidenteve, thuhet në deklaratën e saj.

Në përgjigje, Federata holandeze tha se kishte nisur një hetim të pavarur në të kaluarën, me bashkëpunimin e Pauw dhe pranoi se kishte bërë gabime.

"Ne pranojmë gabimet e identifikuara në raport dhe kjo nuk duhej t'i kishte ndodhur asaj. Është e papranueshme që Vera nuk ka pasur mjedisin e sigurt të punës që i takonte në atë kohë," tha Federata.

Pauë shtoi se ajo ishte e ekspozuar ndaj abuzimit seksual sistematik, abuzimit të pushtetit, ngacmimit dhe frikësimit në kohën kur ishte në formacionin holandez si lojtare dhe menaxhere.

"Për këto 35 vitet e fundit e kam mbajtur abuzimin për vete. Kam lejuar që kujtimi i tij të kontrollojë jetën time, të më mbushë me dhimbje dhe ankth të përditshëm, të dominojë ndjenjat e mia të brendshme", tha ajo.

"Për shumë më shohin si një trajnere dhe menaxhere futbolli e guximshme dhe e zhurmshme, një grua e ashpër që është ngjitur në majat e botës së burrave. Asgjë nuk mund të jetë më larg se kjo nga e vërteta."

Ajo thotë se ka paraqitur pesë raporte në Federatën holandeze pa marrë një përgjigje të kënaqshme, kështu që së fundi i ka raportuar shkeljet në policinë holandeze.

FA holandeze tha: "Ne jemi shumë të tronditur nga përvojat nga një e kaluar jo e afërt për të cilën Vera Pauë na tregoi në një bisedë vitin e kaluar".

Një hetim i pavarur "tregoi se KNVB duhet t'i kishte trajtuar një sërë çështjesh ndryshe".

Hetimi zbuloi se Pauë kishte qenë subjekt i gabimeve dhe komenteve të dëmshme nga punonjësit e Federatës holandeze dhe se KNVB nuk iu përgjigj mjaftueshëm "sinjaleve të para të Verës në 2011 në lidhje me sjelljet seksualisht transgresive" ose nuk kishte politikat e duhura.

Madje në një bisedë të mëtejshme të vitit 2017 rreth përvojave të Pauw, ajo "në mënyrë eksplicite" u kërkoi atyre që të mos ndërmarrin asnjë veprim.

Pauw tha: "Kjo [shkuarja në polici] tashmë ndihet si fillimi i fundit për mua, por e di se do të ketë më shumë dhimbje në zemër. Mund të shfaqen histori në mediat holandeze të përvojës sime të tmerrshme dhe e di që mund të bëhen pretendime. kundër meje në përpjekje për të njollosur historinë time”, tha ajo.

Ajo thotë se shpreson që të tjerët që kanë pasur përvoja të ngjashme "tani do të ndihen mjaft të guximshëm për të folur dhe për të ndarë historitë e tyre".

Ajo falënderoi Federatën e Futbollit të Irlandës për mbështetjen e saj. "Unë jam ndjerë gjithmonë e sigurt dhe vazhdoj të ndihem e sigurt dhe e mbështetur në Irlandë dhe nuk mund t'ju them se sa mirë ndihem," tha ajo.

"Kjo jam unë, nuk kam pse të fshihem më. Shpresoj të vazhdoj jetën time në liri."

Në një deklaratë Football Association of Ireland thuhej: “FAI i ka ofruar asaj të gjithë mbështetjen që mund të ketë nevojë në nivel personal dhe profesional.

"FAI është absolutisht i vetëdijshëm për ndikimin që këto zbulime do të kenë në mirëqenien e Verës dhe e ka siguruar atë për mbështetjen e vazhdueshme të plotë të bordit të FAI-t dhe të gjithë kolegëve të saj në shoqatë."

FA holandeze tha se do të ndërmarrë veprime pas rekomandimeve të raportit.