Matthijs de Ligt , 22 vjeç, mbërriti te Juventus nga Ajax në verën e vitit 2019, teksa atëherë ishte një nga mbrojtësit më të kërkuar në Evropë.
Por koha te Juve ka qenë me ulje-ngritje dhe mbrojtësit holandez i është dashur të durojë shumë kritika për paraqitjet e tij.
Interesi për të mbetet megjithatë, dhe ai ka qenë i lidhur me Barcelonën, Manchester United dhe Chelsea , ndër të tjera .
Këta të fundit janë përfolur më së shumti për firmën me De Ligt dhe tani Sky Sports deklaron se ata janë të përgatitur për ta rritur interesimin.
Sipas informacioneve, Chelsea e sheh futbollistin holandez si një zgjidhje afatgjatë për mbrojtjen.
De Ligt ka një klauzolë lirimi prej 120 milionë eurosh në kontratën e tij me Juventusin, e cila do të skadojë në vitin 2024, teksa klubi bardhezi do të pranojë vetëm oferta afër kësaj pike.
Kujtojmë Chelsea tentoi të përfshinte në operacionin për transferimin e Romelu Lukakut te Inter, Milan Skriniar, por Inter nuk ra dakord për këtë.
© SYRI.net
Bëje LIKE dhe merr lajmin e fundit nga Sporti: