Në “Air Albania” u luajt ndeshja midis Shqipërisë dhe Izraelit, e vlefshme për Grupin 2 të Ligës B të Kombeve.

Pjesa e parë u mbyll me avantazhin 1-0 të kuqezinjve, me golin  shënuar me penallti nga Armando Broja në 45+2’.

Në fraksionin e dytë të lojës, izraelitët përmbysin rezultatin.

Kundërsulm i shpejtë i Izraelit në të 57’, që gjen të vendosur keq mbrojtjen kuqezi dhe ia del të gjejë golin e barazimit me anë të Solomon.

Më pas, në minutën e 73-të dyfishojnë miqtë me një tjetër aksion të finalizuar nga Solomon, pasi më parë Berisha kishte devijuar gjuajtjen e Sefari.

Në minutën e 75-të Shqipëria gjen rrugën e rrjetës me anë të Hysajt, por festa ndalet menjëherë pasi gjykohet se gjatë aksionit ishte Uzuni që kishte prekur topin me dorë.

Pas një verifikimi me VAR, gjyqtari anulon golin për pozicion jashtë loje.

Deri në fund rezultati nuk ndryshon më dhe skuadra e Rejës pëson një humbje të papritur në shtëpi, duke u renditur tashmë e fundit në grup.

Statistikat e ndeshjes.