Pablo Ortells, drejtori sportiv i Mallorcas , gjatë një interviste të gjatë për 'Okbaleares' ka folur për negociatat për blerjen e Vedat Muriqit , sulmuesi i ardhur nga Lazio në janar si huazim me të drejtë blerje për 12 milionë euro: Merkato e janarit është shumë i komplikuar dhe menduam se Muriqi ishte një profil ndryshe nga ai që kishim ne dhe e vërteta është se në fund mbetëm të kënaqur. A do të qëndrojë këtu? Siç e thashë edhe më parë, ne jemi shumë të kënaqur me performancën e tij dhe do të shohim nëse mund ta bindim të qëndrojë. Ky është qëllimi ynë.

Është e vërtetë se kur ai nënshkroi kushtet tashmë ishin rënë dakord si me të ashtu edhe me Lacion, por Mallorca nuk do të mund t'i arrijë ato shuma (12 milionë). Gjithçka duhet të rinegociohet.

 A mund të përballojë Mallorca një shumë prej 10 milionë eurosh? Sot është e vështirë. Ne kërkojmë formula të ndryshme, por kjo është pjesë e negociatave që po bëjmë. Në mënyrë që Vedat të vazhdojë në Mallorca, është thelbësore që të tre palët të arrijnë një marrëveshje. Nëse një klub tjetër vjen më vonë dhe Lazio mendon se oferta e tyre është më interesante ... është diçka që ne nuk mund ta kontrollojmë. Ne do të përpiqemi ta mbajmë për vete, por ne e dimë se cilat janë rregullat e futbollit".