Roma niset për në Shqipëri, skuadra e Mourinhos nuk do të stërvitet në ‘Air Albania’

Roma niset për në Shqipëri, skuadra e Mourinhos nuk do të stërvitet në ‘Air Albania’

15:43, 24/05/2022

Jemi një ditë para finales së Conference League mes Romës dhe Feyenoord. Feyenoord ka mbërritur në Tiranë, ku sonte do të mbajë një konferencë për shtyp, ndërsa skuadra e Jose Mourinhos sapo është nisur drejt Shqipërisë dhe nuk do të kryejë stërvitje në “Air Albania”.

Italianët përfunduan  stërvitjen e fundit në orën 11:00 në kompleksin e tyre stërvitor në Romë dhe menjëherë morën rrugën për në Tiranë. Konferenca për shtyp me Mourinhon, Lorenzo Pellegrinin dhe Gianluca Mancinin nis në orën 17:45.

Feyenoord do të stërvitet sonte në stadiumin ku do të luhet nesër finalja. Stërvitja do të jetë e aksesueshme për shtypin për pesëmbëdhjetë minuta, pas së cilës të gjitha dyert do të mbyllen dhe Arne Slot dhe ekipi i tij do të bëjnë përgatitjet e fundit për Romën. Trajneri do të flasë për shtypin sonte në orën 18:45 së bashku me Jens Toornstra dhe Gernot Trauner. Stërvitja e fundit fillon në orën 19:30.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco