Ish-kapiteni legjendar i Romës, Francesco Totti duket se mendon ende sesi të ndihmojë sa më shumë ish-skuadrën e tij ku në orët e fundit italiani i pyetur nga “SkySport Italia” ka folur në lidhje me dëshirën e tij për të sjellë argjentinasin Paolo Dybala te verdhekuqtë.
45-vjeçari ka folur me superlativa për yllin e Juventusit, cili do të largohet nga bardhezinjtë në përfundim të këtij sezoni si lojtar i lirë pas përfundimit të kontratës. Totti ka theksuar se dhe ai do të bëjë një përpjekje për ta transferuar te Roma, duke u takuar personalisht me të për të biseduar ditën e hënë.
“Lotët e Dybalas në festën e largimit nga Juventusi nuk më kanë habitur, ai është një lojtar i ftohtë dhe i mbyllur, ishte mënyra e tij për të shprehur emocionet.
Mendoj se ai donte të qëndronte atje thjesht nuk arriti të gjente akordin me klubin.
Ai është një lojtar i madh , mund të luaj kudo ku dëshiron.
Të shohim nëse do të arrij ta sjell te Roma, të hënën do ta takoj në Milano dhe do të flas me të”, u shpreh Totti.
© SYRI.net
Bëje LIKE dhe merr lajmin e fundit nga Sporti: