Manchester United ka rekordin më negativ të raportit të pikëve të fituara për miliona të shpenzuara këtë sezon në Premier Ligë.
Ata paguan çmime të kripura për transferimin e Sanços, Varane, por edhe Cristiano Ronaldos në merkaton e verës, duke e dërguar në total investimin në rreth 126 milionë paundë.
Por milionat e hedhura në merkato nuk u justifikuan me rezultatet në fushë në kampionat.
Për çdo pikë të fituar deri në javën e 37-të (58), “Djajtë” kanë shpenzuar 16.9 milionë paundë.
Dhe klubi nga i cili mund të mësojnë është Brentfordi.
Skuadra e Tomas Frenkut ka grumbulluar 46 pikë këtë sezon, por secila prej tyre i ka kushtuar vetëm 1.5 milionë paundë, më pak se çdo klub tjetër i Premier Ligës.
Manchester City ka shpenzuar shumë më tepër se rivalët, por kanë koleksionuar 90 pikë deri në javën e 37-të dhe nëse fitojnë të dielën shpallen kampionë.
© SYRI.net
Bëje LIKE dhe merr lajmin e fundit nga Sporti: