Pushimi i Serie A mbaroi dhe java e 24 garanton spektakël të vërtetë me supersfidën Inter-Milan. Në prag të derbit ka dalë për konferencë për shtyp tekniku zikaltër, Simone Inzaghi. Ai komentoi pritshmëritë që ka për ndeshjen, si dhe çfarë pret në garën për titull.

KALENDAR I VËSHTIRË- “Do të jetë një periudhë intensive dhe stimuluese, përballë shumë kundërshtarëve prestigjiozë radhazi. Derbi është ndeshje me shumë ndjenjë dhe ne jemi të vetëdijshëm, të fokusuar dhe shpresoj që djemtë të luajnë me mendje të lirë dhe të vetëdijshëm.”

FITORJA NËNKUPTON LARGIMIN E MILANIT NGA GARA PËR TITULL- “Mendoj se jo, ne pamë se çfarë ndodhi në ndeshjen e parë kur ishim në -7. E rikuperuam diferencën. E dimë se çfarë është derbi për tifozët, por ka pesëmbëdhjetë ndeshje dhe 45 pikë për të luajtur”.

TITULLI- “Kemi nisur një rrugëtim të gjithë së bashku me vetëdijen se do të ketë të panjohura. Kemi punuar për të bërë më të mirën, nuk duhet të lëmë vigjilencën tonë dhe të jemi të përgjegjshëm nga këtu deri në fund”.

MERKATO- “Ne kemi menaxherë të shkëlqyer dhe një president të shkëlqyer që është fizikisht me ne për momentin. Kemi afruar dy lojtarë që mund të na ndihmojnë. Do të duhet pak kohë për Robin , por është një blerje e shkëlqyer”.

PENALLTITË- “Ne kemi një listë që ju e dini, do të shohim nëse do të ndodhë. Lautaro është gjuajtësi kryesor, por janë edhe Calhanoglu dhe Perisic”

FAVORITI- “Nuk ka kurrë favorit në derbi, aq më tepër në këtë derbi me dy skuadra shumë të forta dhe të organizuara. Motivimet dhe episodet do të bëjnë diferencën, duhet t’i trajtojmë në mënyrën e duhur.”

PRETENDENTI PËR TITULL- “Mendoj se renditja është shumë e vërtetë. Unë konsideroj Milanin, Atalantën, Napolin dhe Juventusin që për mua ishin favoritët në verë dhe në dy muajt e fundit po bëjnë një rrugëtim të madh. Përveç kësaj, ata kanë bërë një transferim të madh. Ka ende shumë pikë për të luajtur”

MILANI FAVORIT-  “Pas asaj ndeshjeje ata patën një rënie të lehtë falë dëmtimeve. E njoh Piolin, e di sa i përgatitur është, që nga Empoli e më pas ata kanë luajtur ndeshje të shkëlqyera”.

AMERIKANO JUGORËT- “E kam parë Lautaron në punën e tij të pjesshme mjaft mirë, Sanchez më siguroi se është në formën më të mirë të mundshme dhe do ta shoh sot. Mungojnë Gosens dhe Correa i cili pas dy javësh është i qetë dhe shpreson të përshpejtojë rikthimin e tij në fushë”