Tani ish-kapiteni i Arsenalit, Pierre-Emerick Aubameyang shprehet se trajneri i klubit londinez Mikel Arteta ishte problemi i vetëm mes tij dhe Topçinjve dhe se ai kurrë nuk donte të lëndonte apo të ofendonte klubin.

Aubameyang humbi shiritin e kapitenit në fund të vitit të kaluar pasi shkoi në Francë pa lejen e klubit, veprim të cilin Arteta nuk donte ta falte dhe e hoqi menjëherë dhe e largoi nga ekipi.

Menjëherë pas kësaj, dhe siç pritej, u mor një vendim për të mos llogaritur në Aubameyang më vonë këtë sezon, dhe megjithëse ai dukej se do të përfundonte si Mesut Ozil, domethënë të ishte në klub, të merrte një rrogë dhe të ulej në tribuna. Gabonezi më në fund gjeti një mënyrë për të “arratisur” nga Londra dhe u transferua në Barcelonë.

“ Nga ana ime, kurrë nuk kam dashur të lëndoj apo ofendoj klubin. Është e kaluara, dhe mua më intereson vetëm e tashmja për momentin. Sa i përket Arsenalit dhe situatës në të cilën isha, mendoj se problemi i vetëm ishte me Artetan. Ky ishte vetëm vendimi i tij. Nuk isha i lumtur, por qëndrova i qetë dhe i pranova gjërat ashtu siç janë", tha Aubameyang.

Aubameyang u transferua në Barcelonë si lojtar i lirë.