Abissnet Superiore vijon me garën dhe sot luhet një tjetër ndeshje e javës së 17-të. Në “Loro Boriçi” të Shkodrës në fushë zbresin Kukësi e Skënderbeu.
Verilindorët do të kenë në fushë vetëm Emiljano Mustën nga afrimet e janarit.
Kundër korçarëve fitorja është detyrim, sidomos pasi e kanë nisur vitin me humbje ndaj Dinamos.
Një motiv ekstra për të fituar është edhe ruajtja e hapit në garën për titull. Laçi rival dje i mori pikët e plota dhe djemtë e Longo do tentojnë të bëjnë të njëjtën gjë sot.
Nga ana tjetër edhe Skënderbeu i ka jetike pikët. Kastrioti e Egnatia, që janë rivalët e tyre, kanë marrë nga një pikë këtë javë dhe korçarët do tentojnë me çdo kusht të mos dalin pa pikë kundër Kukësit.
© SYRI.net
Bëje LIKE dhe merr lajmin e fundit nga Sporti: