Në Angli, kushdo që merr pjesë në pesë divizionet më të mira të futbollit për meshkuj dhe dy divizionet më të mira të futbollit të femrave, i ndalohet të vërë baste, drejtpërdrejt ose tërthorazi, në çdo ndeshje ose kompeticion që zhvillohet kudo në botë. Megjithatë, ndonjëherë lojtarët përpiqen të gjejnë mënyra për ta bërë diçka të tillë.

Sipas The Times , ky është pikërisht rasti për një lojtar të Arsenalit këtë sezon. Kompanitë e basteve i kanë raportuar FA (Shoqata e Futbollit) se një shumë e pazakontë parash i ishte vendosur një lojtari të Arsenalit i cili kishte marrë një karton të verdhë gjatë një ndeshjeje të Premier League. Emri i lojtarit nuk është bërë i ditur. FA vendosi të shqyrtojë rastin, por nuk hapi hetim: "FA është në dijeni të çështjes në fjalë dhe po e shqyrton atë".