Dramë në “San Siro”. Spezia ka përmbysur Milanin me rezultatin 1-2, në një sfidë të “çmendur”.
Goli në sekondat e fundit i shënuar nga Giasi, tronditi skuadrën e Piolit, teksa protagonist në këtë duel u bë edhe gjyqtari, i cili në minutën e 92-të, nuk lejoi avantazhin, duke i “djegur” Milanit, golin e dytë.
Vlen të theksohet fakti, se në pjesën e parë, Milani shpërdoroi edhe një 11-metërsh, ku Teo Hernandez gaboi nga pika e bardhë e penalltisë.
Një disfatë e hidhur kjo për Milanin, pasi nëse do të fitonin, kuqezinjtë do të ngjiteshin përkohësisht në krye të renditjes së Serie A.
Për sa i përket Rei Manajt, shqiptari e nisi sfidën si titullar, ndërkohë që u zëvendësua në minutën e 58-të nga Agudelo, që ishte dhe autori i golit të parë për Spezian.
© SYRI.net
Bëje LIKE dhe merr lajmin e fundit nga Sporti: