Real Madrid ka shënuar fitore të madhe ndaj Athletic Billbaos.

“Los Blancos” kanë fituar me rezultat 2-0 në finalen e Superkupës së Spanjës me golat e Modric dhe Benzema, duke fituar kështu kupën e parë për vitin 2022.

Pas triumfit në këtë garë ka folur për mediat realizatori i golit të parë, Luka Modric, i cili tha se Real Madrid nuk ka shumë kohë për të festuar pasi e presin shumë sfida tjera.

“Ne mund të festojmë, por duhet të vazhdojmë. Ka shumë sfida të tjera dhe unë jam duke u përpjekur ta ndihmoj ekipin sa më shumë që të mundem“, tha ai.