Lajmi i fundit

LIVE/ Foltorja e Mirditës, pritje madhështore për Sali Berishën

Nedim Bajrami shumë pranë kalimit tek Sasuolo

Nedim Bajrami shumë pranë kalimit tek Sasuolo

18:11, 14/01/2022

Klubi i Sasuolos duket se ka vendosur që të bëjë Nedim Bajramin investimin e madh të merkatos së janarit. Skuadra e Serisë A, e cila pak ditë më parë pa t’i largohej nga radhët e saj Boga për t’u transferuar te Atalanta, sheh te fantazisti shqiptar emrin e duhur për të zëvendësuar boshllëkun që mbetet në skuadër.

Empoli fillimisht dukej se nuk do të linte Bajramin të largohej gjatë janarit, duke menduar se në verë mund të përfitonte më shumë nga futbollisti i cili po spikat në këtë edicion në Serinë A. Por trajneri i Sasuolos, Dionisi, i cili e ka drejtuar edhe në edicionin e kaluar Bajramin në Serinë B, i ka kërkuar klubit medoemos blerjen e tij.

Kështu, Sasuolo ka nisur negociata konkrete dhe sipas “Tuttosport”, marrëveshja është drejt finalizimit. Raportohet se negociatat mes palëve po bëhen për një shifër prej 10 milionë eurosh, me bonuse e pagesa të tjera në varësi të asaj që do të shfaqë Bajrami në atë që pritet të jetë skuadra e tij e re duke filluar nga java e ardhshme.

 

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco