Futbollistët legjendar brazilianë Ronaldinho dhe Romario ishin pjesë e një turneu të zhvilluar në një plazh në Rio de Zhaneiro, ku treguan edhe një herë tifozëve se nuk kanë humbur asnjë nga magjitë e tyre me topin.
Yjet në pension kënaqën të pranishmit, por edhe treguan respekt për njëri-tjetrin me përshëndetje dhe përqafime, pavarësisht se atë ditë ishin rivalë.
Ronaldinho dhe Romario u shfaqën në një turne ndërkombëtar në "footvolley" , një sport që ndërthur aspektet e volejbollit në plazh dhe futbollit.
Në fund, fitoren e morën Romario dhe bashkëlojtari i tij, të cilët bënë më mirë në këtë ndeshje.
Kujtojmë se Ronaldinho doli në pension në vitin 2015 dhe tifozët e futbollit e kujtojnë më së shumti për lojën e zhvilluar në Barcelonë me të cilën fitoi Ligën e Kampionëve në vitin 2006.
Romario, nga ana tjetër, ka luajtur për një sërë klubesh në karrierën e tij dhe ishte lojtari i kombëtares braziliane që fitoi Kupën e Botës 1994 në Shtetet e Bashkuara.
© SYRI.net
Bëje LIKE dhe merr lajmin e fundit nga Sporti: