Rikthimi i Ernest Muçit nga dëmtimi mbetet ende një mister. Sulmuesi i kombëtares shqiptare gjithsesi do të jetë mungesa e madhe e Legias së Varshavës gjatë javëve të ardhshme, pasi në ndeshjen ndaj Leicester City në Europa League, sulmuesi i skuadrës polake ndrydhi kyçin e këmbës dhe sipas njoftimit të bërë nga klubi i Legias do të mungojë për disa javë.

Nuk dihet ende sa do të zgjasë koha e rikuperimit të Ernest Muçit, por e sigurt është mungesa e tij në ndeshjet e ardhshme të Legias, me shqiptarin që mund ta ketë mbyllur këtë vit.

Ernest Muçi ka shënuar 5 gola me Legian në këtë sezon në të gjitha kompeticionet.