Trajneri i Romës, Jose Mourinho ka marrë lajme të mira në prag të rifillimit të Serie-A,ku skuadra e tij do të luajë të dielën sfidën e radhës kundër Genoas.
Marash Kumbulla dhe Lorenzo Pellegrini i janë bashkuar ditën e sotme stërvitjes me grupin. Kapiteni i Romës është më mirë, pasi shqetësimi në gju duket se po shërohet dhe sot ka punuar bashkë me shokët e skuadrës.
Po ashtu edhe qendërmbrojtësi shqiptar, që me kombëtaren ndjeu një lodhje muskulore. Të dy lojtarët do të jenë në dispozicion të teknikut portugez për ndeshjen e së dielës kundër Genoas.
Më shumë mundësi të dy lojtarët do ta luajnë si titullarë në transfertën e “Marassit”, ku Mourinho pritet të hedhë në fushë një formacion të ngjashëm me atë që luajti kundër Venezias në ndeshjen e fundit në Serie A.
© SYRI.net
Bëje LIKE dhe merr lajmin e fundit nga Sporti: