Drejtori i klubit brazilian goditi me thikë një futbollist për shkak të një qese me miell
Drejtori i klubit të ligës së ulët braziliane CDC Novo Aripuana sulmoi me thikë një prej lojtarëve të skuadrës së tij, raporton “Globo”.
Fatmirësisht tragjedia është shmangur dhe futbollisti i plagosur është në gjendje të mirë shëndetësore.
“Globo” thekson se shkak i konfliktit në të cilin është përdorur thika ka qenë një debat që ka lindur për një pako mielli.
Përplasja ndodhi në Manaus pak ditë më parë kur drejtori i klubit mori një pako mielli nga një kuti me ushqime që i ishte dhënë futbollistit.
Futbollisti e akuzoi për vjedhje, shpërtheu një debat dhe më pas një konflikt që u përshkallëzua në sulm me thikë.
Atmosfera në klubin brazilian nuk është e mirë, për shkak të rezultateve negative dhe pesë humbjeve me golavarazh 0:33, por edhe për mos dhënien e pagave lojtarëve.
Federata e Futbollit të Brazilit ka paralajmëruar një dënim të rëndë për drejtorin e klubit dhe po shqyrtohet mundësia e përjashtimit të përjetshëm nga futbolli.
Hoy se filtró un video que muestra como un futbolista del Novo Aripuanã de Brasil APUÑALA a un compañero en la concentración!!! 🇧🇷⚽
— Fodboldworld (@fodboldword) October 26, 2021
pic.twitter.com/7qsw0U8qcs
© SYRI.net
Bëje LIKE dhe merr lajmin e fundit nga Sporti: