Lajmi i fundit

LIVE SYRI TV/ Këndi i Pano Sokos

Marseille-PSG, ‘paqe’ në klasiken e futbollit francez

Marseille-PSG, ‘paqe’ në klasiken e futbollit francez

22:50, 24/10/2021

Dy gola të anuluar nga sistemi VAR për pozicion jashtë loje, një karton i kuq për Achraf Hakimin, por rezultati mbeti i pandryshuar, 0-0.

Klasikja e futbollit francez, Olimpik i Marsejës – PSG, përtej spektaklit të dhuruar nga tifozët në “Velodrome”, në një moment madje edhe duke e tepruar me hedhjen e shisheve, që detyruan gjyqtarin ta ndërpriste për disa minuta lojën, nuk pati qershinë mbi tortë në një ndeshje futbolli, golin.

As prania në fushë e Messit nuk ndihmoi skuadrën e Pochettinos ta fitonte takimin, me argjentinasin që mbeti në hije.

E tundi rrjetën fillimit Perez i parizienëve, por në ndërtimin e aksionit sistemi VAR evidentoi pozicion jashtë loje dhe vetëm shtatë minuta më vonë, të njëjtin fat pati edhe finalizimi i Milik.

Fati ishte me vendasit në minutën e 57-të, kur pas ndërhyrjes së sistemit VAR ndërhyrja e gabuar e Hakimit u konsiderua për karton të kuq, si lojtar i fundit.

Megjithatë, në minutat në vazhdim vendësit u kujdesën më shumë për të mos rrezikuar në mbrojtje sesa për të shënuar.

Të dyja skuadrat ndanë nga një pikë, duke i lënë ndoshta të gjithë të kënaqur, edhe tifozët në “Velodrome”.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco