Chelsea 'tërmet shtatë ballë', fitore historike ndaj Norwich

Chelsea 'tërmet shtatë ballë', fitore historike ndaj Norwich

15:32, 23/10/2021

Chelsea ka fituar me rezultat të thellë 7-0 ndaj Norwichit në kuadër të javës së nëntë në Ligën Premier.

Pas vetëm tetë minutash lojë, The Blues kaluan në epërsi me anë të Mason Mount që u asistua nga Jorginho.

Kaluan dhjetë minuta dhe Chelsea realizoi edhe të dytin, tani me anë të Callum Hudson-Odoit, me Kovacicin që ishte asistues.

Radha më pas ishte për Reece James që shënoi për 3-0 në minutën e 42-të, gjersa Mount ishte në rolin e asistuesit.

Në 45 minutat e dytë, Chelsea ishte sërish më kërkuese dhe ia doli të shënonte edhe katër të tjerë.

Ishte minuta e 57-të dhe erdhi rasti për Ben Chilwell që të futej në listën e realizatorëve, me Kovacicin që ishte sërish asistues.

Gjërat për Norwichin u përkeqësuan edhe më shumë, kur Maximillian James Aarons (62′) realizoi auto-gol.

Mysafirët më pas mbetën edhe me 10 lojtarë në fushë, shkaku që Bryan Gibson pranoi edhe kartonin e dytë të verdhë.

Chelsea më pas fitoi edhe një penallti, të cilën në gol konvertoi Mount në minutën e 85-të, e që ishte gola e dytë për të në këtë takim.

Mount nuk u ndal me kaq dhe realizoi het-trik në minutën e 90-të, për 7-0.

Pas javës së nëntë, Chelsea vazhdon të jetë lider me 22 pikë, ndërsa në xhiron e dhjetë do të takohen me Newcastlen.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco