Celtic mundi me rezultatin 2-0 Ferencvarosh, në ndeshjen e raundit të tretë të fazës së grupeve në Europa League.
Skuadra skoceze zhvilloi një ndeshje fantastike në “Celtic Park”dhe i merituan tri pikët e fituara.
Celtic pati rastin e parë në minutën e 11 -të kur Jota goditi portën, por portieri kundërshtar arriti ta ndalte.
Në fillim të pjesës së dytë, më saktësisht në minutën e 57 -të, Kyogo Furuhashi shënoi dhe i dha avantazh skuadrës së tij, ndërsa ndeshjen e zgjidhi David Turnbull me një gol në minutën e 81 -të.
Celtic pati një rast nga pika e bardhë në minutën e 62 -të, por goditja e Callum McGregor u prit nga portieri Denes Dibusz.
Deri në fund të ndeshjes rezultati nuk ndryshoi, megjithëse të dy ekipet kishin disa raste të mira për gol.
Sulmuesi i kombëtares, Myrto Uzuni luajti për 90 minuta për Ferencvarosh, por për fat të keq nuk arriti të shpëtonte skuadrën e tij nga humbja.
Kjo është fitorja e parë e Celtic në fazën e grupeve pas dy humbjeve ndaj Betis dhe Bayer, ndërsa Ferencvarosh pësoi humbjen e tretë.
© SYRI.net
Bëje LIKE dhe merr lajmin e fundit nga Sporti: