I ndodhur në Argjentinë si pjesë e turneut në Amerikën e Jugut, Presidenti i FIFA -s, Gianni Infantino ishte pro një kandidimi të përbashkët në Amerikën e Jugut: "Sigurisht, një kandidaturë e përbashkët  në Amerikën e Jugut do ishte shumë e fortë. Në Amerikën e Jugut futbolli përjetohet në një mënyrë të pabesueshme, zemra e futbollit është këtu. Do ishte fantastike të mendoja për një Kupë Bote në Amerikën e Jugut. "

Sidoqoftë, shefi i futbollit  botërorë thotë se ky projekt duhet të presë para se të shohë dritën jeshile, duke lënë të kuptohet se duhet të votojnë për një Kupë Bote çdo dy vjet: "Duhen 24 vjet para se një Kupë Bote të kthehet në një kontinent, dhe 24 vjet, është më shumë se një brez, " argumentoi Infantino gjatë konferencës për shtyp.