Amir Rrahmani ka fituar një vend titullari te Napoli teksa skuadra e Spaletit po shkëlqen duke grumbulluar 24 pikë pas 8 ndeshjesh.

Ish-mbrojtësi i Partizanit gjen vend dhe për relaks teksa videoja e fundit e shpërndarë nga Rrahmani është mjaft e bukur.

Kapiteni i Kosovës ka filmuar shokun e skuadrës, Elif Elmas, i cili kërcen në ritmin e këngëve shqiptare.

‘I lindur për dasma”, shkruan Rrahmani, ndërsa në video shihet mesfushori nga Maqedonia e Veriut teksa kërcen dhe njëkohësisht përpiqet të këndojë në shqip.

Napoli po shijon formën e shkëlqyer që po kalon në kampionat duke qenë e vetmja skuadër e pagabueshme në Europë.