Futbolli është përfshirë dhe një herë nga skena dhune, të cilat vijnë nga kampionati sllovak.

Derbi mes Spartak Trnavës dhe Slovan Bratislavës është ndërprerë pas vetëm 15 minutash lojë, pasi tifozët kanë pushtuar fushën duke u përleshur me njëri-tjetrin.

Përplasja është mjaft e dhunshme teksa nuk mungojnë as goditjet me flakadanë.

Në pamundësi të ndërhyrjes, lojtarë të dyja skuadrave kanë bërë spektatorin, duke u tërhequr nga pjesa e fushës ku po zhvillohej sherri masiv.

Gjyqtari ka vendosur që ndeshja të ndërpritet megjithëse nuk ka ende informacion se kur do të riluhet sërish sfida.