VIDEO/ Mbrëmja e jashtëzakonshme e Edouard Mendy

VIDEO/ Mbrëmja e jashtëzakonshme e Edouard Mendy

11:00, 17/10/2021

“Jam i lumtur dhe më e rëndësishmja është që ai të performojë në këtë nivel, nuk më intereson lista. Nuk duhet, shpresoj që kjo mos ta shqetësoj. Duket se ai nuk ndikohet nga kjo, që është një gjë e mirë.”  Në fund të ndeshjes kundër Brentford, Thomas Tuchel i thuri elozhe portierit të tij Edouard Mendy. Jashtë listës të të nominuarve për Topin e Artë 2021, Mendy zhvilloi një paraqitje të jashtëzakonshme në fitoren e Chelsea kundër Brentford (1-0).

Vendimtar në disa raste, Mendy ishte një nga arkitektët e suksesit të arritur nga “Blutë e Londrës”. Një fitore e cila e ngjit klubin londinez në krye të Premier League.

Një paraqitje fenomenale e përshëndetur siç duhet nga shoku i tij i skuadrës, Antonio Rudiger, i cili shfrytëzoi rastin për të përmendur mungesën e pakuptueshme të portierit në listën e të nominuarve për trofeun prestigjioz të dhënë nga France Football. "A mund të më shpjegojë dikush pse nuk është i nominuar për Topin e Artë?" “ , postoi në llogarinë e tij në Tëitter futbollisti gjerman.

I pyetur në fund të ndeshjes kundër Brentford nga RMC Sport , Mendy shkëlqeu me përulësinë e tij. "E lëmë stuhinë të kalojë. Bëj vetëm punën time, përgatitem çdo javë me trajnerin e portierëve dhe stafin për të ndihmuar ekipin, " tha Mendy. Në këtë garë për titull, Chelsea do ketë shumë nevojë për një Edouard Mendy në krye...

 

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco