Sulmuesi norvegjez Erling Haaland ka treguar edhe një herë pse aktualisht është një nga lojtarët më të kërkuar në botë.
Pas rikuperimit nga një dëmtim, Haaland në stërvitjen e fundit me Borussia Dortmund vendosi tre topa, njërën mbi tjetrën, teksa më pas i dërgoi secilën prej tyre me saktësi në objektivin ku po gjuante. Objektivi u vendos në cepin e portës, në zhargonin e futbollit, "në trekëndësh".
Megjithatë, kjo nuk krijoi problem për Haaland i cili goditi saktësisht duke e thyer në fund objektivin. Haaland as nuk mund të besonte atë që bëri dhe gjestet e tij ndoshta më së miri tregojnë se sa i befasuar ishte.
Këtë sezon, Haaland luajti gjithsej tetë ndeshje për Borussia Dortmund në të gjitha kompeticionet, duke shënuar 11 gola dhe dhuruar katër asistime.
Bullseye 🎯
— Erling Haaland (@ErlingHaaland) October 14, 2021
🎥:@Bundesliga_DE pic.twitter.com/l4LxPcwVpJ
© SYRI.net
Bëje LIKE dhe merr lajmin e fundit nga Sporti: