Trajneri i Manchester United, Ole Gunnar Solskjaer ka fajësuar Jurgen Klopp për penalltitë e padhëna në favor të “Djajve të Kuq”.
Në fillim të sezonit të kaluar, United ishte mbajtësi absolut i rekordeve për numrin e penalltive të dhëna në favor të tyre, por situata ka ndryshuar dhe gjyqtarët gjithnjë e më pak po tregojnë pikën e bardh.
Eksperti norvegjez fajësoi teknikun e Liverpool, Jurgen Klopp në lidhje me këtë situatë. Në janar, gjermani kritikoi publikisht gjyqtarët për numrin e penalltive të dhëna në favor të United.
"Ne thjesht shpresojmë se do të marrim atë që meritojmë. Duhet të na ishin dhënë tre penallti në dy ndeshjet e fundit. Një menaxher shprehu shqetësim vitin e kaluar sepse na japin penallti dhe pas kësaj po na japin gjithnjë e më pak," tha Solskjaer.
Norvegjezi thotë se gjërat kanë ndryshuar padyshim që nga deklarata e Klopp.
"Sigurisht, kam parë një ndryshim të madh që atëherë. Megjithatë, duhet t'ia lëmë gjyqtarëve dhe të shpresojmë që të marrin vendimet e duhura," shtoi norvegjezi.
Meqenëse trajnerët e Premier League janë të ndaluar të flasin për gjyqtarët në konferencat për shtyp para ndeshjes, FA (Federata Angleze e Futbollit) do të shqyrtojë këtë rast.
🗣️ "A certain manager last year was starting to worry about us getting penalties and after that it seems like the decisions are more difficult to give."
— Sky Sports News (@SkySportsNews) September 24, 2021
Ole Gunnar Solskjaer says Manchester United should have had three penalties in the last two games... pic.twitter.com/rETQqTOc5t
© SYRI.net
Bëje LIKE dhe merr lajmin e fundit nga Sporti: