Endri Çekiçi ka realizuar një gol mjaft të bukur në kampionatin turk. Ky ishte goli i dytë e mesfushorit pogradecar me fanellën e Koniaspor. Futbollisti shqiptar shënoi ndeshjen e skuadrës së tij kundër Trabzonsporit.

Në minutën e 20 të sfidës, pas një harkimi nga e djathta, Çekiçi u koordinua mjeshtërisht dhe me një gjysmë–roveshatë dërgoi sferën në rrjetë.

Një gjuajtje e shkëlqyer e cila për fat nuk u devijua nga Çikalleshi para tij dhe përfundoi në rrjetë, për t’i dhënë barazimin e përkohshëm 1-1 ekipit të Koniaspor, i cili në këtë edicion ka synime për të luftuar për një vend në Kupat e Europës.