Dëmtohet futbollisti i Kombëtares, rrezikon ndeshjen ndaj Hungarisë

Dëmtohet futbollisti i Kombëtares, rrezikon ndeshjen ndaj Hungarisë

10:11, 23/09/2021

Mesfushori i Espanjolit dhe i Kombëtares sonë, Keidi Bare ka lënë fushën e lojës në minutën e 74-tër të takimit për shkak të një dëmtimi.

24-vjeçari ka ndjerë shqetësime gjatë pjesës së dytë të lojës dhe është detyruar që të ngrejë duart lart dhe të bëjë me shenjë nga pankina për t’u zëvendësuar pasi nuk mund të vazhdojë dot. Pak sekonda më vonë ai është ulur në fushë dhe ka kërkuar ndihmën e stafit mjekësor.

Kundërshtarët e Alavëshit nuk e ndalën lojën pasi mendonin se kjo bëhej për të vonuar lojën pasi rezultati ishte 1-0 në favor të Espanjolit të Bares.

Për probleme fizike mesfushori nuk ia ka dalë për të vazhduar dhe është ulur në pankinë ku mbante të lidhur mbas kofshës së djathtë një qese me akull.

Shpresojmë që të jetë thjesht një ngarkesë fizike për Baren dhe jo një dëmtim serioz për shqiptarin pasi koha nuk premton dhe në tetor luhen ndeshjet me të rëndësishme të Kombëtares.

Për Rejën, ai është një pikë e fortë në mesfushë dhe duhet të jetë i gatshëm për dy sfidat e tetorit ndaj Hungarisë dhe Polonisë.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco