Trajner i Tottenham, Nuno Espirito Santo shpreson të ketë një shans për të folur me yllin më të madh të skuadrës, Harry Kane.

Një nga sulmuesit më të mirë në ditën e sotme kishte një marrëveshje me klubin për shitje këtë verë, por Spurs hodhi poshtë ofertën prej 100 milionë pafundësh të Manchester City.

Për këtë arsye, kapiteni i ekipit kombëtar të Anglisë nuk u shfaq në seancën e parë stërvitore, pavarësisht pritjeve, duke marrë kritika të shumta nga tifozët për vendimin e tij.

Trajneri i Spursave Nuno Espirito Santo më në fund ka folur për situatën me sulmuesin.

"Me të vërtetë, pres të flas me Kane. Nuk kam pasur një shans akoma. Ne do të diskutojmë gjithçka për lojtarin tonë privatisht. Para së gjithash, duhet t'i zgjidhim problemet me veten tonë," tha Santo pas barazimit 2-2 me Chelsean në fazën përgatitore.

Kujtojmë, Kane ka qenë prej kohësh i lidhur me një transferim tek Manchester City, por firma me Jack Grealish ka zvogëluar shanset që “Qytetarët” të nënshkruajnë me golashënuesin më të mirë në Premier League sezonin e kaluar.