Granit Xhaka kërkon me ngulm kalimin tek Roma. Mesfushori me origjinë shqiptare ua ka bërë të qartë drejtuesve të klubit të Arsenal se ai dëshiron të luaj për verdhekuqtë sezonin e ardhshëm: ‘Unë dua të shkoj te Roma’, kështu u ka thënë Xhaka drejtuesve të klubit Londinez, të cilët vazhdojnë të kërkojnë 20 milionë euro plus shpërblime për kartonin e futbollistit 28 vjeçar: një kontratë 4-vjeçare me 2.5 milionë euro në sezon i është ofruar mesfushorit të Zvicrës nga klubi i Romës.

Xhaka e ka kuptuar që thirrja e Mourinhos është një mundësi e mirë për të pas një periudhe të palumtur, si për të ashtu edhe për Arsenalin.

Ndërkohë, Xhaka, provoi atmosferën e stadiumit të “Olimpicos” me Zvicrën. Nuk ishte një mbrëmje e bukur (Zvicra u mund nga Italia 0-3), por më pak e keqe sesa mund të duket, të paktën në aspektin personal.

Në fakt, shifrat tregojnë se Xhaka, në dy ndeshjet e para të Kampionatit Evropian, bëri punën për të cilën paguhet: 136 pasime nga 149 (92%), 14 topa të rikuperuara. Ai është një mesfushor i saktë dhe inteligjent, i mirë si në ndërtim, ashtu edhe në ndalim, shumë fizik në kontraste. Xhaka nuk është një përbindësh i shpejtësisë por as mesfushori statik: deri më tani ka përshkruar mesatarisht 10.1 kilometra në lojë. I shoqëruar me një mesfushor dinamik, si Veretout, mund të integrohet në mënyrë perfekte. (Corriere dello Sport).