UEFA ka hapur një hetim disiplinor kundër austriakut Marko Arnautovic, i cili të dielën pranoi se kishte perifrazuar fjalë fyese gjatë fitores në kampionatin Europian kundër Maqedonisë së Veriut (3-1). Është përzgjedhur “një inspektor etik dhe disiplinor” që të hetojë incidentin që përfshin sulmuesin 32-vjeçar, tha UEFA në një deklaratë, pa dhënë detaje të mëtejshme.

Kjo është faza e parë e procedurës disiplinore, që synon konstatimin e fakteve, ndërsa UEFA ende nuk ka treguar se cila shkelje e rregullores së saj mund t’i atribuohet Arnautovic.Lojtari, me origjinë serbe dje, u kërkoi falje në Instagram “miqve të tij nga Maqedonia e Veriut dhe Shqipëria”, duke iu referuar “shkëmbimeve të ndezura në momentin e shënimit të golit”, pa zbuluar përmbajtjen e fjalëve të tij.

Disa media kanë folur për ofendime ndaj anësorit të Leeds Ezgjan Alioski, duke iu referuar origjinës së tij shqiptare, pasi Arnautovic shënoi golin e tretë në ndeshjen e fituar 3-1 nga “Das Team” në Bukuresht.Pamjet televizive tregojnë se shoku i tij i ekipit David Alaba përpiqet ta qetësojë ndërsa lojtarët austriakë festojnë golin. “Unë do të doja të them një gjë shumë qartë: Unë nuk jam racist!”, Këmbënguli dje Arnautoviç, duke deklaruar se ai “mbron diversitetin”.

Prillin e kaluar, Disiplina e UEFA-s vendosi dhjetë ndeshje skualifikim për mbrojtësin Çek Ondrej Kudela për “sjellje raciste” kundër lojtarit të Rangers Kamara në një ndeshje të raundit të 1/8 të Ligës së Europës që u luajt në Glasgoë, duke e privuar atë nga Europiani.