Të eleminuar nga Europa League dhe aktualisht të gjashtët në Premier League me pesë javë të mbetura për t’u luajtur, Tottenham vendosi të ndaj rrugët me Jose Mourinho. I ulur në stolin e Spurs në nëntor 2019, tekniku portugez ndenji për një vit e gjysmë në kryeqytetin anglez. Por para se të largohej, "Special One" donte të sqaronte gjërat me lojtarët e tij.

Sipas informacionit nga “Telegraf”, Mourinho bisedoi me Harry Kane dhe pjesën tjetër të skuadrës për katër orë! Mediat britanike pretendojnë se trajneri 58-vjeçar i ka treguar futbollistëve të vërtetën e tij për largimin. Duhet thënë se aventura e portugezit tek Tottenham nuk ishte perfekte. Ne kujtojmë largimin  e Danny Rose apo problemet e tij me Dele Alli.