Gerard Piqué ishte ylli i programit “Universo Valdano”, transmetuar mbrëmë nga “Movistar+”.  Në këtë intervistë, mbrojtësi katalanas foli për karrierën e tij, presidentin, trajnerin, Superligën dhe shumë më tepër.

Fitimi i Kupës së Mbretit:

Na duhej. Skuadra e meritonte. Ne kemi luajtur mirë dhe kemi marrë rezultate të mira. Në kupë kemi vuajtur shumë gjatë gjithë turneut. Finalja ishte një lehtësim, një ndeshje që mbaroj mirë. Kupa na ka dhënë motivim të shtuar, për të treguar se po ecim mirë. Tek Barça, jeni gjithmonë i detyruar të fitoni diçka ".

Familja dhe fëmijëria:

“Familja ime ka qenë mirë ekonomikshit . Nuk më ka munguar asgjë. Do të vlerësoja gjithçka në jetën time. U bashkova me Barçën kur isha 10 vjeç. Aty gjeta një realitet tjetër. Në shkollë keni shokë klase me jetë të ngjashme me tuajën. Futbolli lind në rrugë, jeton në rrugë. Një botë e re hapet për ju. Është e shkëlqyer, pasi ju shihni që ekziston një profil tjetër i njerëzve të ndryshëm nga ju. Mënyra të ndryshme për të parë jetën. Gjithmonë e kam vlerësuar shumë ”.

Pasioni për Barçën:

“ Ka ardhur që në moshë shumë të re. Ditën kur kam lindur familjarët më bënë anëtar të Barçë-s.. Shkonim në “Camp Nou” çdo herë që ekipi luan në shtëpi. Unë ndjek futbollin, basketbollin, të gjitha sportet. Unë e jetoj si një ëndërr, por pa presion ”.

Kujtimet e fëmijërisë me Messin:

“Ai ishte i veçantë që kur ishte fëmijë. Ai e kishte të ngjitur topin në këmbë. Nuk mund t’ia hiqje.  Trajneri dhe pjesa tjetër e stafit na thanë që të mos i ndërhynim fort sepse ishte i vogël, por ne nuk mundeshim edhe nëse do të donim. Nuk mund ta kapnim. Ai kishte një talent të lindur ”.

Koeman:

“Ai është trim dhe ka vizion. Kjo i ka ndihmuar shumë lojtarët e rinj. Pedri, Araujo, Ansu, Frenkie dhe Ilaix janë shumë të rinj dhe kanë fituar shumë përvojë në kohë që nuk ishin fort të mira. Ata janë rritur shumë shpejt. Kjo përvojë është e paçmuar. Të kesh lojtarë me 40 ndeshje në La Liga me fanellën e Barçës në këtë moshë është shumë e vlefshme.

President i Barçës në të ardhmen:

“Unë e kam parë pozicionin e presidentëve për vite me radhë dhe nuk e di nëse një ditë do të marr vendimin të jem i tillë. Ndoshta jeta do të më çojë në rrugë të tjera, por nëse ndodh, dua që të jetë mbi bazën e të gjitha ligjeve. Nëse do të bëhesha president, do të doja të kisha një ndikim të fortë. Një president i Barçës duhet të jetë një figurë e fortë, që i peshon fjala. Kur nuk ka forcë dhe hierarkitë nuk ruhen, pastaj ndodhin gjëra të pakëndshme. Klubet shemben dhe duhet të rindërtohen nga themeli”. Megjithëse nuk dha emra, hija e shembjes së klubit nga Josep Maria Bartomeu qëndronte mbi fjalimin e tij.

Lidhur me Joan Laporta, Piqué e mbrojti atë: “Një njeri i guximshëm është i mirë për klubin. Ndryshimi duhej të ishte i plotë, ndodhi pas një viti pa president. Laporta na ka kthyer lumturinë dhe optimizmin se ne jemi Barça dhe do të garojmë për gjithçka. Jemi në proces të ndryshimit të shumë gjërave”.

Superliga Evropiane:

“Unë do të thoja që nuk është një vendim pozitiv për futbollin në planin afatgjatë. Ata po thonë se kampionatet kombëtare do të qëndrojnë dhe do të mbeten konkurruese. Por numrat nuk përputhen. Për momentin, Champions League po merr 3.5 miliardë euro të ardhura nga TV dhe ata thonë se Super League mund t’i trefishojë të ardhura për klubet. Nëse flisni me specialistë dhe ekspertë të të drejtave të televizionit, ata do t'ju thonë se ky ndryshim nuk është i mundur sepse nuk ka para për të në treg.

E ardhmja e Messit:

“Nuk mund të ta tregoja se çfarë do të ndodhë me të. Mendoj se muajt e fundit ai duket i lumtur dhe i kënaqur. Kjo është e rëndësishme sepse ndikon në të gjithë ekipin pasi ai është kapiten. Skuadra po bën shumë mirë dhe kjo kryesisht i detyrohet atij.” Me këto fjalë të thëna për Messi-n, Pique la të kuptohet se do të qëndrojë tek Barça.