Zlatan Ibrahimovic rrezikon të dënohet ashpër nga UEFA pas zbulimeve se ai zotëron 10% të kapitalit në një kompani bastesh.

Media suedeze ka zbuluar se Zlatan Ibrahimovic zotëron aksione në një kompani bastesh, duke shkelur kështu kodin e etikës të FIFA - s .

Sulmuesi suedez i Milanit , zotëron sipas këtyre mediave 10% të aksioneve të Maltese Gameday Group PLC, i cili është aksioneri i vetëm i Bethard, diçka që është padyshim e ndaluar qartë nga Federata Botërore e Futbollit.

Drejtori i Institutit të Ligjit Sportiv, Tony Roca, sqaroi se  Ibrahimovic  është në rrezik të  sanksioneve të rënda , pasi ai mund të humbasë pjesën tjetër të sezonit me Milanin, por më e rëndësishmja, ai nuk do të jetë në gjendje të luajë në Kampionatin Evropian me Suedinë .

"FIFA mund të ndërhyjë me iniciativën e saj ose edhe nëse ndokush ankohet për rastin. Komiteti i Etikës duhet ta hetojë atë dhe të vendosë. Nëse në rast se një shkelje e Kodit është kryer me sa duket dhe nuk është e mundur të vendoset vlera e çështjes mjaft shpejt, mund të vendoset një dënim i përkohshëm prej 90 ditësh.

Në çdo rast, dhe nëse procesi fillon para qershorit, lojtari mund të humbasë Kupën e Evropës. Nëse shpallet fajtor më vonë, dënimi maksimal është tre vjet. FIFA ka zero tolerancë për lojërat e fatit. Mund të dalë se Imbra përfitoi nga bastet që vinin nga ndeshjet në të cilat ai mori pjesë", theksoi Tony Roka karakteristikisht.