Sevilla u mund 0-3 nga Barcelona në “Camp Nou”, duke humbur mundësinë për të kaluar në finalen e Kupës së Mbretit.

Pas ndeshjes, Ivan Rakitic, ish futbollist i Barçës, që tashmë luan për Sevillan dha një prononcim për La Liga-n, ku tregoi një anekdotë gazmore për Lionel Messin, me të cilin ndau shumë suksese me fanellën e katalanasve: "Sapo i thashë (dje): 'Ti ke fituar gjithçka, ke shënuar shumë gola. Por unë fitova një trofe që nuk do ta kesh kurrë, Ligën e Evropës ", kujton me të qeshur mesfushori i Sevilla.