Klodian Duro nuk po kalon momente të mira në Kosovë tek skuadra e Feronikelit. Rezultatet e fundit negative kanë bërë që tifozët e klubit kosovar të dalin kundër trajnerit, Duro.

Këtë herë janë “Tigrat e Zi” që kërkojnë largimin e menjëhershëm të Klodian Duros. Nëse trajneri shqiptar nuk e jep dorëheqjen ose nëse presidenti i klubit, Naser Ramaj, nuk merr vendimin për ta larguar, atëherë kërcënohet edhe siguria e trajnerit të Feronikelit.