Fabio Radaelli , një ish skaut i Racing Avellaneda, ishte i pari që zbuloi potencialin e Lautaro Martinez kur ai luante për Bahia Blanca dhe nuk kishte mbushur ende 17 vjeç.

Së fundmi, Radaelli ka folur për “Tutto Sport” ku është shprehur se Martinez do të bëhet më i miri në botë dhe se tek Inter ai është në vendin prefekt.

 "Pa dyshim që Lautaro mund të bëhet më i miri në botë në rolin e tij. Është vetëm 23-vjeçar dhe tashmë është një nga sulmuesit më të mirë në Europë. Për ne argjentinasit është “pyka” e dekadës.

Kam folur para pak kohësh me të, është në qiellin e shtatë, sidomos për lindjen e vajzës. Unë gjithnjë kam qenë i idesë se Interi është një vend i mrekullueshëm për të dhe akoma më shumë kur aty është edhe një institucion si Javier Zanetti”, u shpreh Radaelli.