Viti 2021 ka nisur në mënyrën më të mirë të mundshme për atletin shqiptar Izmir Smajlaj.
Pas sukseseve në Vjenë (Austri) dhe Stamboll (Turqi), ku u shpall kampion i Ballkanit, atleti shkodran triumfoi edhe në mitingun ndërkombëtar të sallave të mbyllura të zhvilluara në Beograd (Serbi).
Në turneun serb, Smajlaj garoi në kërcim së gjati, duke zënë vendin e parë me 7.91 metra.
Ky rezultat është i njëjtë me atë të pak ditëve më parë në Stamboll, ku u shpall kampion i Ballkanit.
Gara e zhvilluar në Beograd ka qenë e fortë, me Smajlaj që triumfon sërish në këtë qytet, ashtu sikurse 4 vite më parë, kur shpallej kampion i Europës.
Në këtë turne mori pjesë edhe atleti Franko Burraj, që garoi në disiplinën e 400 metrave.
Burraj u rendit i dyti me kohën 47”75, duke qenë vetëm 6 të mijtat më i avashtë se vendi i parë, atleti rumun.
Një paraqitje e mirë e Burraj, që ashtu si Smajlaj ngriti flamurin kuqezi në podium.
© SYRI.net
Bëje LIKE dhe merr lajmin e fundit nga Sporti: