Trajneri i Barcelonës, Ronald Koeman ka folur lidhur me situatën e sulmuesit Lionel Messit.
Argjentinasi mungoi në dy ndeshjet e fundit shkaku i kartonit të kuq që mori kundër Athletic Bilbaos në Superkupën e Spanjës. Por, Messi është në listën e të ftuarve për ndeshjen e radhës dhe Koeman ka thënë se sulmuesi dëshiron të luaj çdo ndeshje.
“Leo është i gatshëm, me energji. Për të fituar ndeshjet ne na nevojitet Messi në formë dhe në nivelin e tij.
“Ai dëshiron të luaj dhe të fitojë. Është mësuar të fitojë tituj. Është fitues dhe dëshiron të luajë çdo ndeshje. Nesër do flas me të dhe do i komunikoj skuadrës”, tha Koeman.
Me fitoren ndaj Vallocanos, Barcelona do kualifikohej në çerekfinalen e Kupës së Mbretit.
© SYRI.net
Bëje LIKE dhe merr lajmin e fundit nga Sporti: