Nëse Vllaznia po ecën me një ritëm që nuk e ka pasur asnjëherë më parë në dy dekadat e fundit, meritë është padyshim e arkitektit të saj, Thomas Brdariç, i cili ka ditur të marrë maksimumin nga një grup lojtarësh të talentuar.
Një ekip që fiton, por që mbi të gjitha argëton publikun shkodran.
Dhe ky i fundit ka qenë mjaft mirënjohës ndaj ekipit e sidomos trajnerit, i cili tashmë ka statusin e një idhulli në qytetin verior.
Për këtë arsye, e sotmja është një ditë feste në Shkodër, pasi tekniku gjerman feston 46-vjetorin e tij.
Tifozët kanë dashur që ai të ndjejë pak nga dashuria e tyre për teknikun dhe e kanë përshëndetur në mënyrën e tyre.
Kështu, në një nga rrugët kryesore të Shkodrës, mbrëmë në mesnatë është shfaqur shkrimi “Gëzuar ditëlindjen Brdariç”, që i kushtohej trajnerit, foto që është shpërndarë me shpejtësi në rrjetet sociale edhe nga vetë tekniku si falënderim për këtë gjest të vogël, por shumë domethënës.
Edhe klubi i Vllaznisë me anë të një postimi në faqen zyrtare në Facebook ka uruar teknikun për ditëlindje.
© SYRI.net
Bëje LIKE dhe merr lajmin e fundit nga Sporti: