Trajneri i Liverpoolit, Jurgen Klopp ka lavdëruar sulmuesin shqiptar, Xherdan Shaqirin për ndeshjen kundër Manchester United.

Shaqiri ishte në formacionin titullar kundër Manchester Unitedit duke luajtur 76 minuta pastaj u zëvendësua me Curtis Jones. Pavarësisht kësaj, trajneri gjerman mendon se ka gabuar me vendimin për ta zëvendësuar Shaqirin, sepse shqiptari mund të luante më shumë.

“Shaqiri është vërtet në formë të mirë. Ndoshta mund të luante edhe pak më shumë, mirëpo nuk isha i sigurt.

“Ishte kohë e gjatë që nuk ka luajtur nga fillimi, por ishte vërtet i mirë. Shaqiri ishte aty dhe na ndihmoi shumë”, ka thënë Klopp.