Pas nokautit kundër Interit në kampionat, për Andrea Pirlon dhe Juventusin vjen Superkupa e Italisë përballë Napolit. Një rast për të anuluar performancën e keqe të “San Siros” dhe ngritur trofenë e parë të sezonit. Në konferencën për shtyp në prag të kësaj finaleje, Pirlo bëri analizën e tij për ndeshjen kundër skuadrës së Gattusos:

“Napoli është i fortë, skuadër teknike, dhe dëshiron të luajë topin. Ata kanë lojtarë të shpejtë, dhe ne do të duhet të jemi të kujdesshëm. Si t’i sulmojmë? Ne provuam disa zgjidhje, shpresoj t’i shoh përsëri në fushë. Ata kanë një mbrojtje shumë të ngushtë dhe ne do të duhet të jemi të zotë në shfrytëzimin e mundësive që kemi”.

Në lidhje me formacionin që do të hedhë në fushë, Pirlo shtoi:

“Do të luajë Szczesny-t, sepse Buffon kishte disa probleme. Finalja vjen në kohën e duhur, ne duam të kthehemi në fushë me vendosmëri për ta fituar këtë trofe. Luan Juve-Napoli, jo Pirlo -Gattuso. Jemi dy skuadra të forta, e meritonim të luanim këtë finale”.

Interi? Kur humbet, nuk duhet të bësh gjë tjetër, vetëm se ta harrosh dhe ta anulosh në mendje atë ndeshje. Ne duam të tregojmë se jemi ndryshe nga ajo natë. Skuadra e fiton titullin prej 9 vitesh, duke luftuar dhe punuar fort. Ne jemi duke u përpjekur të marrim edhe titullin e 10-të radhazi. Mund të kemi pasur disa vështirësi, por ambicia mbetet. Ne punojmë si ekip dhe përpiqemi të marrim më të mirën, pa bërë gabime dhe jam i bindur se do ia dalim.

Pas humbjes ne biseduam normalisht, siç bëjmë pas çdo ndeshje, është një moment i vështirë, siç kanë qenë shumë këtë sezon. Ne luajmë një finale siç është ajo e Superkupës dhe na duhen energji për të fituar.

Më vjen keq për lojtarët, sidomos të rinjtë, të cilët janë sulmuar, diçka që nuk duhet të ndodhte. Preferoj të më kritikoni mua dhe jo lojtarët. Finalet luhen për t’u fituar dhe ne jemi këtu për ta bërë atë.”, tha Pirlo.