David Barral, një ish futbollist i Real Madrid B dhe Levante, u bë lojtari i parë në histori që blihet nga një klub duke përdorur kriptovaluta.

37-vjeçari zyrtarisht nënshkroi pak ditë më parë me DUX Internacional de Madrid (divizioni i tretë Spanjoll), në një transferim që u financua plotësisht nga bitcoins - një monedhë dixhitale ose virtuale e përdorur për të lehtësuar pagesat e menjëhershme.

DUX Internacional de Madrid, një klub në pronësi të futbollistëve Borja Iglesias dhe Thibaut Courtois, ende nuk ka njoftuar vlerën totale të transferimit, por thuhet se ardhja e Barral u bë e mundur nga sponsori i klubit spanjoll - Criptan.

Në një postim në rrjetet sociale, Internacional mirëpriti sulmuesin me përvojë, duke falënderuar sponsorin për transferimin.

"David Barral është lojtari më i ri i DUX Internacional de Madrid. Mirësevini në Klubin e Përjetshëm! Ai gjithashtu është bërë transferimi i parë në histori i paguar në kriptovalutë. Falë Criptan, sponsorit tonë të ri, që na e bëri të mundur këtë," thuhet në njoftimin e klubit.

Barral ka zhvilluar 50 ndeshje me ekipin rezervë të Real Madrid, dhe në karrierën e tij, ka luajtur për Sporting Gijon, Levante, Granada, APOEL, Cadiz dhe Racing Santander.

???? FICHAJE ????
David Barral nuevo jugador de DUX Internacional de Madrid ¡Bienvenido al club infinito!

Se convierte en el primer fichaje de la historia en criptomonedas. Gracias a @CRIPTAN_es nuestro nuevo sponsor por hacerlo posible. #VamosInter #GoDUX pic.twitter.com/Ljf3PInVOn

— DUX Internacional de Madrid (@interdemadrid) January 15, 2021