Futbollisti kosovar, Meritan Shabani, ka firmosur një kontratë të re me skuadrën e Wolvesit në Angli.

Trekuartisti 21-vjeçar ka firmosur një kontratë të re deri në vitin 2023.

Mesfushori shqiptar ka qenë pjesë e skuadrës së dytë të Bayernit të Mynihut dhe u transferua në verën e vitit 2019 tek Wolves.

Ai aktivizohet te skuadra e U-23 dhe ndeshjen e fundit ndaj West Bromwich Albion në Premier Ligë, trajneri Nunjo Espirito Santo e uli në stol.

Lajmin e rinovimit të Shabanit e ka bërë publike vetë klubi anglez me anë të një komunikate.