Në media u përfol shumë ditët e fundit për një kalim të Mohamed Simakan te skuadra e Milanit në Serie-A. Mirëpo gjërat duket se kanë ndryshuar pasi, talenti i Strasbourg,  duket më pranë një ekipi tjetër.

Bëhet fjalë për klubin e Leizpzig, që sipas mediave gjermane është shumë pranë transferimit të Simakan. Sipas asaj që raporton “Sky.de”, lojtari ka dhënë miratimin për të kaluar te Leipzif dhe dëshiron të luajë në Bundesligë.

Pasi ka marrë miratimin e lojtarit, tani klubi gjerman është duke negociuar me francezët e Strasburg, të cilët zotërojnë kartonin e futbollistit dhe marrëveshja pritet të mbyllet në orët e ardhshme.

Francezi pavarësisht se prej kohësh përflitet për një kalim të mundshëm te Milani, duket se preferon Bundesligën dhe Leipzig, para kuqezinjve.